பெண்னெனில் தேவதையோ..

வித்யாசாகர்

பொன்னிற காட்டில்  
வெண்ணிறம் உடையாள் இவள்,

சங்க காலம் சூட மறந்த
இந்த கால -
செஞ்சூட்டு ஒளியாளிவள்..,

இவளின்,
இழுத்து சுற்றிய சேலைக்குள் - ஒளித்து வைத்துள்ள  
இன்பத் தேர் அதிசையமும், 

கடித்து இழுக்க மதுரம் தெறிக்கும் 
சிலிர்ப்பூட்டும் செவ்விதழும்,

ஈரம் படிந்த இதழ்களிலே 
ஒத்தியெடுக்க மிகுந்த முத்தங்களும்..,

கண்ணம் முழுக்க கதகதப்பில் - குவிந்த
வர்ண காதல் ரேகையும்,

ஆசைகளில் புதைந்து போன 
நளினத்தின்;
வாலிப்பு குறையாத வளைவு சித்திரமும்,

மேனி அழகை கூட்டிக் காட்டும் 
கழுத்தாய் பூத்த -
சங்கு மலரும்,

அகன்று விரிந்த மார்பின்  
கவர்ச்சி மறைத்தும்; மலர்ந்தும்; 
தொடும் உணர்வில் பூக்கும் மேனி - இரண்டெழிலும்,

மூச்சுக் காற்றில் மேனி பரவி
இடைகொடி வளைத்து நடனமாட 
அழகு கொஞ்சும் மேட்டுக் குழி - சிணுங்கல் ஜாலமும்,

இன்னும் தேடி கிடைக்கும் வர்ணனையில்
சொல்ல மிகாமல் உள் புதைத்த -
பெண்- மயிலின்; பெண்மை வாழ் நதியலை சுகந்தமும்,

அப்பப்பா!! பெண்ணிவளே; பெண்ணிவளே;
ஓ' பெண்ணென்றால் தேவதையோ -
என்னவளே; அடி என்னவளே.... இதயம் தட்டி உள்புகும் 
வெப்ப நெருப்பே;

பஞ்சு பூட்டிய மேனியினால் - நெஞ்சு பூரித்தவளே
வா..
வாசல் திறக்காத வழிக்குள் புகுந்து  
காமம் சொட்டாத காதல் தேரிழுப்போம்! வா..!!

vidhyasagar1976@gmail.com