ஹைக்கூகள்

முனைவர் வே. புகழேந்தி. பெங்களூரு

 
தொடரியின் பெட்டிகளை
எண்ணி முடிப்பதற்குள்
கடந்து விட்டதே வானவில்.

புதுப்பிக்கப்பட்ட படிகள்
தடையின்றி தரிசிக்கலாம் இனி
தாரகைகளை.

வெளியேறுகிறாள்
பாசத்தையும் ஒப்படைத்து விட்டு
வாடகைத்தாய்.

உதிர்ந்த இலைகளை கூட்டுகையில்
விளக்குமாற்றில் சிக்கியவாறே...
நகரும் நிழல்கள்.

குழந்தையிடமிருந்து
தப்பிய நீர்க்குமிழியை
பதம் பார்க்கும் மழை.

மூன்றாம் பிறை
ஒளி போதவில்லை
எங்கே நீ மின்மினியே?

பச்சோந்தி ஏறியதும்
நிறம் மாறிடும்
மரப்பட்டை.

விளக்கேற்றியதும்
தஞ்சமடைந்திடும் இருட்டு
அகல்விளக்கின் அடியில்.


 

உங்கள் கருத்து மற்றும் படைப்புக்களை
 editor@tamilauthors.com  என்ற மின் அஞ்சல் முகவரிக்கு அனுப்பவும்