பாடி முழங்கிடுவார்
பண்!
கவிதாயினி பவானி
தர்மகுலசிங்கம்
(அண்மையில்
அமரத்துவமடைந்த கவிஞர் அச்சுவேலி கணேசன் அவர்களுக்கான
பாடல்.)
அச்சுவேலி தன்னிலே ஆளுமை மிக்கோனாய்க்
கச்சிதமாய்ப் பாடும் கவிஞனிவர்
- பிச்சன்
பெருமான்தன் சீரடியில் பேறடைய எண்ணித்
திருவுளம் கொண்டாரே,
தேற்று!
பிச்சன்-சிவன்
பண்புடனே இங்கிதமாய்ப் பாசம்கொள் மானிடனாய்
வண்மையுடன் மண்ணுலகில் வாழ்ந்தாராம் - கண்ணியமாய்ச்
சார்ந்தோர் புகழுரைத்தார்,
சாற்றினார் மேன்மைபல
ஓர்ந்துருகி நின்றார் உளம்!
முக்கனிச் சாறாய் முனைந்து பலகவிகள்
இக்கவிஞ னாக்கியே இன்புற்றார்
- எக்கணமும்
எத்தலைப்பை யேற்றும் இனியநற்
பாடல்கள்
முத்தனையத் தந்தாரே முன்பு!
மரபுக் கவிஞனெனும் மாண்புறுபேர்
தாங்கிச்
சிரம்தனிற் கொண்டார்நற் சீர்கள்
-
முரசறை
பாடல்கள் கீதவாணிப் பல்கலை வானலையில்
பாடி முழங்கிடுவார்
பண்!
கனடாக் கவிஞர் கழகத்தைச் சார்ந்து
இனமானப் பாக்க ளியற்றிக் - கனம்மிகு
பாட
லரங்கினிற்
பாவிசைத்துப் பாடிடக்
கூடவரும் கொட்டும் குரல்!
தான்பிறந்த தண்சேர் தலத்திலமர் பேர்பெற்ற
ஆன்ற கிறிஸ்தவ ஆலெனத் - தோன்றுபுகழ்
கல்லூரி தன்னிலே கால்பதித்துக் கற்றுமே
நல்லபணி யாற்றினார் நட்பு!
பண்பான மாணவர்தம் பாங்குறு சங்கத்தின்
திண்மையா லோசனைத் திவ்வியனாய் -
வண்மைமிகு
நூற்றிருபத் தைந்தாண்டு நூலுக்காய் ஓய்வின்(றி)
ஆற்றினார் நற்சேவை யன்று!
ஆண்டவன் பாதத்தில் ஆழ்துயிலில் ஆழ்ந்தவரே
மீண்டும் பிறந்திடுவீர் மேதினியில் - கேண்மைமிகு
மாந்தரெலாம் வேண்டினார் மாநிலத்தில் நும்வரவை
தீந்தமிழ்ப் பாவில் தெவிட்டு!
கவிதாயினி பவானி
தர்மகுலசிங்கம்
