கலைமகள் ஹிதாயா ரிஸ்வி -இலங்கை 

சுடர் தரும் விளக்கின் அடியின் 
இருள்வட்டமாய் 
உள்ளத்து அறையினுள் 
இருள் ..!

பறிக்கப் பட்ட, 
விழுந்து கிடக்கின்ற 
மாங்காய் வடிவமாய் 
இலங்கைப் படம் ..

கறுப்பு மையடித்த 
பழுத்த மூடி மூளைகளில் 
வரண்டு போன 
சிந்தனை வெடிப்புக்கள் .

செத்துப் போன உணர்வுகளை 
மாவினாறு குருதிக் கிணற்றில் 
கழுவி விட .....
விதவை உடுத்தாடை கட்டும் 
ரணமான உடம்பு .

யாழ் 
பொது நூலகக்  கூரையில் 
ஒரு ஜீவ குயில் -
என் சோக கதையை 
ராகமிசைக்கும் .

துப்பாக்கிக் குண்டுகளை 
மாலையாக்கிக் கொண்ட 
அந்த அப்பாவி உறவு 
என்னை -
விட்டுப் பிரிய 
பெரு மூச்சு விடும் .

மனதிற்கு 
தாங்காத துயரம் தரும் நிகழ்வு 
என்னுள்ளது 
நாடி நரம்புகளை 
மெதுவாய் ....
உடைத்து நொறுக்கும் .

சீக்கிரிய ஓவியமாய் 
ஆத்மாக்களின் நிழல்கள் -
நினைவுகள் 
ரம்யம் சேர்க்கும் 

அழுகை ஓலங்களும் 
கதறல் சப்தங்களும் 
சலங்க்களும் 
உணர்வுகளைப் பிணமாக்கி 
பாசவுள்ளங்களை -
கனவில் காட்டும் 
நினைவில் திணிக்கும் .

சாதி மத பேதங்களால் 
ஊறிப் போன சில  ஊறுகாய்களால் 
மனித நாவுகள் 
உப்பில்லா பண்டத்தை நோக்கும் ..

இரவுகள் கூட. 
அமைதியாய் உறங்கி விடிய 
சமூக  விரோதங்கள் -
உச்சி வெய்யிலில் தோன்றும்  
சூரியனாய்  சுட்டு எரிக்கும்.

ஆனாலும் ....
உலகமே பேயாட்டம் ஆட ,
என் மனமோ -
தியானம் பண்ணும்
(அல்லாஹ்வை நாடும் )
நீரில் வாழும் -ஒரு 
மீனைப் போல
தரையில் வாழும் -ஒரு 
செடியைப் போல ...

துயரக் காற்று  
என் ஞாபாகங்களை 
தடவிச் செல்ல  
வேதனை ஊற்றுக்களில் 
என் கண்ணீரை கழுவி விட ....
அகதி முகாங்களின் அவலங்களை 
நிவாரணப் பிச்சை -
மாற்றி
விடும்...!                                                                                                                                                                                                                         

sk.risvi@gmail.com