ஹைக்கூ கவிதைகள்

கா.ந.கல்யாணசுந்தரம்
 

இரண்டு நாட்களாக
வரைந்து கொண்டிருக்கிறேன்...
ஆமையின் படத்தை !

மனது அலைபாய்ந்து
கொண்டிருக்கிறது...
நதியில் நீந்தும்போதும் !

கடற்கரையிலிருந்து
வீடுதிரும்பி விட்டேன்...
ஒரு கைப்பிடி மணலோடு !

உயரத்தைப் பற்றி
விசாரித்தபடியே முன்னேறுகிறேன்...
மலைப்பாதைப் படிகளிடம் !

மகான் ஒருவர் மறைந்தார்
என அம்மா சொன்னார்கள் ...
எரி நட்சத்திரம் வீழ்கையில் !

மௌனத்தின் உச்சத்தில்
ரசித்தபடி நடந்தேன்....
வாத்துக் கூட்டங்களுக்கு மத்தியில் !

உங்கள் கருத்து மற்றும் படைப்புக்களை
 editor@tamilauthors.com  என்ற மின் அஞ்சல் முகவரிக்கு அனுப்பவும்